Britney nën hetime për keqtrajtim të fëmijëve

Qëkur Kevin i është kërcënuar se do t’ia marrë fëmijët Britney është bërë bionde dhe rregulluar, mirëpo gjyqi menjëherë e ka thirrur në seancë. Dëshmitarët pohojnë që ajo ju ka vënë fëmijëve alkool në biberon.

Edhe pse aktualisht e ndajnë përkujdesjen ndaj fëmijëve, Kevin Federline nëpërmes avokatit të tij i shtyrë nga skandalet e ish gruas së tij Britney, ka kërkuar që fëmijët t’i përcaktohen vetëm atij. Në tregim është përfshirë edhe shërbimi social i Los Angelesit duke thirrur dje një seancë gjyqësore të menjëhershme për shkak dyshimeve në sigurinë e fëmijëve.

Që Britney është një nënë e dobët është parë edhe me lindjen e djalit të parë, Sean Preston të cilin e mbante në krahë derisa voziste automjetin, e në disa raste edhe për pak sa nuk iu rrëzonte. Atëherë ajo i ishte nënshtruar vërejtjeve, mirëpo tani kur problemi është sjellë para gjyqit, ish princesha e popit ka gjasë që do të paguajë për gabimet e saj.

Gjyqit i janë paraqitur një numër i madh dëshmitarësh për shkak të neglizhencës së saj, pasi që është marr vesh se ajo iu ka bërtitur djemve të saj se kanë lindur gabimisht dhe i ka mbajtur ata tërë natën zgjuar në mënyrë që të flenë më gjatë në mëngjes. Ajo është akuzuar edhe për dhënie të ushqimit jo të shëndoshë fëmijëve dhe se nuk u ka mbajtur higjienën orale prej së cilës fëmijëve u janë prishur dhëmbët.

"Pinë para fëmijëve. Në fillim kjo i ka ndihmuar të lirohet dhe të mos jetë aq e nervozuar. Mirëpo me kohë ajo filloi të pijë së tepërmi andaj shërbyeset është dashur të përkujdesen për fëmijët", pohojnë njerëzit që kanë punuar brenda në familje, në mesin e të cilave edhe ish shërbyeset, të cilat betohen që e kanë parë Britneyn duke futur alkool në biberonët e fëmijëve që të qetësohen dhe të flenë më shpejt.